एजेन्सी । अमेरिकाको क्यालिफोर्नियामा आइतवार अन्धाधुन्दा चलाएको गोली लागेर कम्तिमा ९ जना मारिएका छन् ।
चिनियाँ नयाँ वर्षको उत्सव मनाइरहेका हजारौंको भीडमा अन्धाधुन्ध चलाइएको गोली लागेर उनीहरुको मृत्यु भएको फक्स न्यूजले जनाएको छ ।
गोलीबारी मोन्टेरी पार्क इलाका भएको प्रहरीले जनाएको छ । अरु दर्जनौं व्यक्ति घाइते भएका छन् । गोली किन चलाइयो भन्ने कारण खुलिसकेको छैन ।
केही सामाजिक सञ्जालमा मामिला रंगभेदबाट शुरु भएर हत्यासम्म पुगेको उल्लेख गरेका छन् । स्थानीयबासी र एशियाली मूलका समुदायबीच विवाद हुँदा यो घटना भएको जनाइएको छ ।
मारिनेमा एक महिला र उनका ६ महिनाका शिशु पनि रहेको बताइएको छ । यसका अलावा १७ वर्षीय चिनियाँमूलका युवक पनि मारिएका छन् ।
यहाँ दुई दिनको उत्सव चलिरहेको थियो । यसअघि पनि स्थानीय गोरा समुदाय र एशियाली मूलका समुदायबीच हिंसा भइसकेको थियो ।
यो खबर पढेर तपाईलाई कस्तो महसुस भयो ?
प्रतिक्रिया