एफए कप : रिडीङलाई पराजित गर्दै युनाईटेड पाँचौं चरणमा

काठमाडौं । म्यानचेस्टर युनाईटेड विजयी भएको छ । एफए कप फुटबल अन्तर्गत शनिबार राति भएको खेलमा युनाईटेडले रिडीङलाई ३-१ गोल अन्तरले पराजित गरेको हो ।

रिडीङलाई पराजित गरेसँगै युनाईटेड पाँचौं चरणमा प्रवेश गरेको छ । युनाईटेडको जितमा कासिमिरोले दुई र फ्रेडले एक गोल गरे ।

खेलको ६५ औं मिनेटमा एन्डी कारोलले रातो कार्ड पाएपछि रिडीङ १० खेलाडीमा समेटिएको थियो । रिडीङका अमाडोउ सालिफले खेलको ७२ औं मिनेटमा गोल गरेका थिए ।