काठमाडौं । नेपाली यू-२० राष्ट्रिय महिला फुटबल टोली ढाका प्रस्थान गरेका छन् । बंगलादेशमा आयोजना हुने साफ यू-२० महिला च्याम्पियनसिप खेल्ने महिला फुटबल टोली ढाका प्रस्थान गरेका हुन् ।
नेपाली टोलीलाई मंगलबार नै अखिल नेपाल फुटबल संघ (एन्फा)ले बिदाइ गरेको थियो । नेपालले प्रिती राईको कप्तानीमा च्याम्पियनसिप खेल्नेछ ।
च्याम्पियनसिप फेब्रुअरी ३ देखि ९ सम्म चल्नेछ । प्रतियोगितामा नेपाल, आयोजक बंगलादेश, भारत र भुटानको सहभागिता रहेको छ । नेपालले पहिलो खेलमा आयोजक बंगलादेशसँग खेल्नेछ । खेल फेब्रुअरी ३ मा हुनेछ ।
यस्तै नेपालले फेब्रुअरी ५ मा भुटान र फेब्रुअरी ७ मा भारतसँग खेल्नेछ ।
यो खबर पढेर तपाईलाई कस्तो महसुस भयो ?
प्रतिक्रिया