काठमाडौं । जारी शहिद स्मारक ‘ए’ डिभिजन लिग फुटबल प्रतियोगिता अन्तर्गत हिमालयन शेर्पा क्लब विजयी भएको छ ।
सातदोबाटोस्थित एन्फा कम्प्लेक्सको मैदानमा सोमवार भएको नवौं चरणको पहिलो खेलमा हिमालन शेर्पा क्लबले न्युरोड टिम ‘एनआरटी’ क्लबलाई १-० गोाल अन्तरले पराजित गरेको हो ।
शेर्पा क्लबका लागि विश्वास श्रेष्ठले गरेको एक मात्र गोल नै निर्णायक बनेको थियो । उनले खेलको पहिलो हाफको इन्जुरी समयमा गोल गरेका थिए । प्रतिस्पर्धात्मक र रोमाञ्चक बनेको खेलको दोस्रो हाफमा भने शेर्पा क्लब गोल गर्न असफल भएको थियो ।
निर्धारित समयसम्म ‘एनआरटी’ क्लबले पनि केही गोल गर्ने मौका पाएपनि सदुपयोग गर्न नसक्दा हार बेहोर्न बाध्य भयो ।
जितपछि हिमालयन शेर्पा क्लबले १४ अंकका साथ लिगको छैटौं स्थानमा उक्लिएको छ । समान अंक बनाएका पनि नेपाल पुलिस क्लब भने लिगको सातौं स्थानमा छ । लिगमा खराब प्रर्दशन गरिरहेको एनआरटीले भने जीत निकाल्न सकेको छैन ।
यो खबर पढेर तपाईलाई कस्तो महसुस भयो ?
प्रतिक्रिया