काठमाडौं । नेपालले बंगलादेशमा जारी साफ यू-२० महिला च्याम्पियनसिप फुटबलको फाइनलमा आयोजक बंगलादेशसँग भिड्ने भएको छ ।
बंगलादेशले मंगलबार भुटानलाई पराजित गरेसँगै फाइनलमा नेपालसँगको भेट पक्का गरेको हो । बंगलादेशले ३ खेलमा ७ अंक जोड्दै शीर्ष स्थानमा रहदै फाइनलमा पुगेको हो ।
उपाधिका लागि नेपाल र बंगालदेश बिहीबार भिड्ने छन् । नेपालले मंगलबार भारतलाई ३-१ गोल अन्तरले पराजित गर्दै फाइनलमा पुगेको हो ।
भुटानले तीनै खेलमा हार व्यहोर्दै अंक विहीन रहेर प्रतियोगिताबाट बाहिरिएको छ । भारतले ३ खेलमा ४ अंक जोड्दै प्रतियोगिताबाट बाहिरिएको छ ।
नेपाल भने लिगको दोस्रो स्थानमा रहदै फाइनल पुगेको हो । नेपालले ३ खेलमा ६ अंक जोडेको छ ।
यो खबर पढेर तपाईलाई कस्तो महसुस भयो ?
प्रतिक्रिया