बोरुसिया डर्टमण्डको अपराजित यात्रामा पूर्णविराम

एजेन्सी । जर्मन लिग बुन्डेस लिगा फुटबल प्रतियोगितामा शीर्ष स्थानमा रहेको बोरुसिया डर्टमण्ड पराजित भएको छ । 

मंगलवार राति सम्पन्न भएको खेलमा बोरुसिया डर्टमण्डले यो सिजनमा पहिलो हार बेहोरेको हो । बोरुसिया डर्टमण्ड फोर्चुना डुसेलडर्फसँग २-१ गोल अन्तरले पराजित भएको हो । खेलको २२ औँ मिनेटमा फोर्चुनाका लागि लुकेबाकियोले पहिलो गोल गर्दै क्लबलाई शुरुवाती अग्रता दिलाए ।

खेलको पहिलो हाफसम्म १-० गोलले अगाडि रहेको फोर्चुनाका लागि ५६ औँ मिनेटमा जिम्मेरले गोल गर्दै क्लबको अग्रतालाई दोब्बर पारे । यता बोरुसियाका लागि खेलको ८१ औँ मिनेटमा एल्कासरले एक मात्र सान्त्वना गोल फर्काएका थिए । हारपछि १६ खेलबाट ३९ अंकका साथ लिगको शीर्ष स्थानमा यथावत छ । 

त्यस्तै मंगलवार राति नै भएको अर्को खेलमा लिगको दोस्रो स्थानमा रहेको बोरुसिया माग्लादबाचले नुरेमवर्गलाई २-० गोल अन्तरले पराजित ग¥यो । जीतपछि बोरुसिया माग्लादबाचले ३३ अंक बनाएको छ ।

यता हेर्थ बर्लिन र अगुवर्गबीचको खेल भने दुई-दुई गोलको बराबरीमा सकिएको छ ।