मैत्रीपूर्ण खेल : नेपाल र भारत भिड्दै

काठमाडौं । नेपाली राष्ट्रिय महिला फुटबल टोलीले आज भारतसँग भिड्दै छ । चेन्नईस्थित जवाहरलाल नेहरू स्टेडियममा पहिलो मैत्रीपूर्ण खेलमा नेपालले आज बुधबार भारतसँग भिड्न लागेको हो ।

नेपाल र भारतबीचको खेल नेपाली समय अनुसार साँझ ७:४५ बजे शुरु हुनेछ । नेपाल जित हात पार्ने दाउमा मैदान उत्रनेछ ।

गत भदौमा दशरथ रंगशालामा भएको महिला साफको सेमिफाइनलमा नेपालले भारतलाई १-० ले हराएको थियो । नेपाल र भारतबीचको दोस्रो मैत्रीपूर्ण शनिबार हुनेछ ।