पाकिस्तानमा रेलमा विष्फोट हुँदा दुई जनाको मृत्यु, चार जना घाइते

काठमाडौं । पाकिस्तानमा बिहीबार बिहान रेलमा विष्फोट भएको खबर सार्वजनिक भएको छ । बलुचिस्तानको क्वेटा जाँदै गरेको जाफर एक्सप्रेसमा ठूलो विस्फोट भएको बताइएको छ । यसमा परेर दुई जनाको मृत्यु भएको छ । सोही क्रममा चार जना गम्भीर घाइते भएका छन् ।

पाकिस्तानी पत्रकार जुल्फिकर बैगका अनुसार पेशावरबाट क्वेटा जाँदै गरेको जाफर एक्सप्रेस चिचवत्नी रेलवे स्टेशनबाट गुज्रिरहेको बेला विस्फोट भएको हो । इकोनोमी क्लासको ६ नम्बर बोगीमा विष्फोट भएको बताइएको छ । घाइतेहरुलाई अस्पतालमा भर्ना गरिएको छ । तर, विष्फोटको कारण भने अहिलेसम्म पुष्टि भएको छैन ।