काठमाडौं । तमिल सुपरस्टार विशाल कृष्ण रेड्डी हाल आफ्नो फिल्म ‘मार्क एन्टोनी’ को सुटिङमा व्यस्त छन् । तर सोही फिल्को सुटिङका क्रममा सुपरस्टार विशाल ठूलो दुर्घटनाबाट बाँचेका छन् । विशालले आफ्नो सामाजिक सञ्जालमा एउटा भिडियो सेयर गरेर आफ्ना फ्यानहरुलाई आफू ठूलो दुर्घटनाबाट बाँचेको बताएका छन् ।
विशालले शेयर गरेको भिडियो हाल निकै भाइरल भइरहेको छ । विशालले शेयर गरेको भिडियोमा फिल्मको सेटमा अभिनेतासँग ठूलो दुर्घटना भएको भिडियोमा स्पष्ट देखिन्छ । भिडियो शेयर गर्दै विशालले लेखेका छन्, ‘भगवानले मेरो जीवन केही सेकेन्ड र केही इन्चले बचाउनुभयो । भगवानलाई धेरै धेरै धन्यवाद। म यो घटनाबाट स्तब्ध छु र म शूटिंगमा फर्किएँ।’
मार्क एन्टोनीको सुटिङ भैरहेको थियो । सेटमा सबै कलाकार र टोली सुटिङमा व्यस्त थिए। यस फाईट सिक्वेन्समा ट्रकको पनि प्रयोग भइरहेको थियो, जसमा पर्खाल भत्काएर बाहिर आएपछि ट्रक रोकिनुपरेको थियो ।
तर एक्कासी ट्रकले सन्तुलन गुमायो र विशाल रहेको ठाउँतर्फ तीव्र गतिमा गुड्न थाल्यो । ट्रक नियन्त्रण बाहिर गएको देखेपछि सेटमा भागदौड मच्चिएको थियो ।
हेर्नुहोस् भिडियो :
Jus missed my life in a matter of few seconds and few inches, Thanks to the Almighty
Numb to this incident back on my feet and back to shoot, GB pic.twitter.com/bL7sbc9dOu
— Vishal (@VishalKOfficial) February 22, 2023
यो खबर पढेर तपाईलाई कस्तो महसुस भयो ?
प्रतिक्रिया