यू-१९ एसिया छनोट : नेपाल र मलेसिया भिड्दै

काठमाडौं । यूएईमा जारी आईसीसी यू-१९ पुरुष विश्वकपको एसिया छनोट प्रतियोगितामा नेपालले आज मलेसियाको सामना गर्दैछ ।नेपालले आफ्नो चौथो खेलमा मलेसियासँग भिड्न लागेको हो । दुई देशबीचको खेल नेपाली समयअनुसार बिहान १०ः४५ बाट शुरु हुनेछ ।

नेपाल लगातार चौथो जित निकाल्न चाहन्छ । पहिलो खेलमा शुक्रबार सिंगापुरलाई, दोस्रो खेलमा शनिबार कुवेतलाई र तेस्रो खेलमा सोमबार हङकङलाई पराजित गरेको थियो ।

अन्तिम खेलमा नेपालले २ मार्च बुधबार घरेलु टोलीसँग खेल्नेछ।