युभेन्ट्सले फरवार्ड रोनाल्डोलाई विश्राम दिने

एजेन्सी । इटालियन क्लब युभेन्ट्सले पोर्चुगिस फरवार्ड क्रिस्टियानो रोनाल्डोलाई विश्राम दिने भएको छ । 

जारी सिरी ए फुटबल अन्तर्गत आज ‘बुधवार’ राति हुने एटलान्टाविरुद्धको खेलमा रोनाल्डो मैदानमा उत्रने छैनन् । यो सिजनको शुरुवाती समयमा युभेन्ट्समा आवद्ध भएका रोनाल्डोले १७ खेल खेल्दै ११ गोल गरिसकेका छन् ।

युभेन्ट्सका प्रशिक्षक मासिमिलानो एलेग्रीले एटलान्टाविरुद्धको खेलमा आराम दिएको बताए । रोनाल्डोको उत्कृष्ट प्रर्दशनकै कारण युभेन्ट्स जारी लिगमा अपराजित छ । 

प्रशिक्षक एलेग्रीले भने,‘हाम्रो मुख्य लक्ष्य भनेको नै च्याम्पियन्स लिग हो, त्यसैले टिमको उत्कृष्ट प्रर्दशन कायम राख्न पनि रोनाल्डोलाई आराम दिएको हुँ ।’ ४९ अंक बनाएको युभेन्ट्स लिगको शीर्ष स्थानमा छ । दोस्रो स्थानमा रहेको नपोली ४१ अंक छ ।