काठमाडौं । जारी शहिद स्मारक ‘ए’ डिभिजन लिग फुटबल अन्तर्गत हिमालयन शेर्पा क्लब विजयी भएको छ ।
सातदोबाटोस्थित एन्फा कम्प्लेक्सको मैदानमा बुधवार भएको ११ औँ चरणको पहिलो खेलमा शेर्पा क्लबले ब्रिगेड ब्वाइज क्लबलाई ४-१ गोल अन्तरले पराजित गर्दै लिगको पाँचौ स्थानमा उक्लिएको हो ।
प्रतिस्पर्धात्मक खेलको पहिलो हाफसम्म दुवै क्लब गोलरहित बराबरीमा रोकिएका छन् । दोस्रो हाफको शुरुवाती समयमा नै शेर्पा क्लबका लागि प्याट्रीकले पहिलो गोल गर्दै क्लबलाई शुरुवाती अग्रता दिलाए । खेलको ५४ औँ बिशोन गुरुङले गोल गरे ।
त्यस्तै ६३ औँ विश्वास श्रेष्ठले तेस्रो गोल गरे । एक पक्षिय रहेको खेलको ८० औँ मिनेटमा विश्वासले व्यक्तिगत दोस्रो तथा क्लबको लागि चौथो गोल गरे । खेल सकिनै लाग्दा ब्रिगेट ब्वाइज क्लबका लागि बर्तमान राईले एक मात्र सान्त्वना गोल फर्काए ।
जितपछि शेर्पा क्लबले १७ अंक बनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया