काठमाडौं । इंग्लिस प्रिमियर लिग अन्तर्गत आज ६ खेल हुँदैछ ।
शनिबार राति शीर्ष स्थानको लिभरपुल र पाँचौ स्थानमा आर्सनलबीच खेल हुँदैछ ।
यो खेल नेपाली समय अनुसार ११ः१५ बजेबाट शुरु हुनेछ ।
आर्सनलविरुद्धको खेलमा जित हात पारेको खण्डमा लिभरपुलले ९ अंकको अग्रता बनाउने छ । हाल पाँचौ स्थानमा रहेको आर्सनलले जित हात पारेको खण्डमा भने कम्तिमा एक दिनका लागि चौथो स्थानमा उक्लिनेछ ।
१९ चरणका खेल सकिँदा लिभरपुल ५१ अंक जोड्दै शीर्ष स्थानमा छ भने आर्सनल ३८ अंक सहित पाँचौ स्थानमा छ ।
तालिकामा लिभरपुलभन्दा ६ अंकले पछि रहेको टोटनह्याम उल्झरह्याम्टनसँग खेल्दैछ । ८ः४५ बजे हुने खेलमा जीत हात पार्दै टोटनह्याम शीर्ष स्थानको लिभरपुलसँगको दूरी छोट्याउन चाहन्छ ।
प्रिमियर लिगमा ब्राइटन एण्ड होभ र एभर्टन, लेस्टर सिटी र कार्डिफ सिटी तथा वाट्फोर्ड र न्यूक्यासल युनाइटेड पनि आज खेल्दैछन् । तीनैवटा खेल ८ः४५ बजे हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया