ओजिलले गरे फुटबल जीवनबाट सन्यासको घोषणा

काठमाडौं । जर्मनीका पूर्व मिडफिल्डर मेसुट ओजिलले फुटबल जीवनबाट सन्यास घोषणा गरेका छन् । ओजिलले ३४ वर्षको उमेरमा फुटबल खेल जीवनबाट सन्यास घोषणा गरेका हुन् ।

आर्सनल र रियल मड्रिडका पूर्व मिडफिल्डर ओजिलले सामाजिक संजालबाट सन्यास घोषणा गरेका हुन् । ओजिलले अन्तराष्ट्रिय फुटबलबाट भने २०१८ मै सन्यास लिएका थिए ।

सन् २००९ मा जर्मनीको टोलीमा डेब्यु गरेका ओजिलले जर्मनीका लागि ९२ खेल खेलेका छन् । ओजिल सन् २०१४ को विश्वकप जित्दा जर्मनीका मुख्य खेलाडी रहेका थिए ।

पाँच पटक जर्मन प्लेयर अफ दि इयर चुनिएका ओजिलले सन् २०१२ र २०१६ को युरोकप समेत खेलेका थिए ।