विपिन र सुरक्षाको ‘गोपी’ को गीतमा ‘तेरो आफ्नो’

काठमाडौं । चलचित्र ‘गोपी’ टिमलेले फिल्मको रिलिज मिति नजिकिँदै गर्दा प्रचारलाई पनि तीव्रता दिएको छ । निर्माण टिमले सोमवार ‘तेरो आफ्नो’ बोलको गीत सार्वजनिक गरेको हो । शिव परियारको स्वर रहेको उक्त गीतमा विप्लव प्रतीकका शब्द छन् भने कल्याण सिंहले संगीत भरेका हुन् । 

आरोही केसीको निर्माण र दीपेन्द्र लामाले निर्देशन गरेको यो फिल्म आउँदो माघ १८ देखि नेपालभर रिलिज हुँदैछ । घामपानी फिल्म निर्देशन गरेका दीपेन्द्र लामाले निर्देशन गरेको यो फिल्मको यो गीतले फिल्मको विषयवस्तुलाई बुझाउन खोजेको छ  ।

ओएसआरको युट्युब च्यानलबाट रिलिज भएको गीतमा गोपी फिल्मका मुख्य पात्र विपिन कार्कीले गाई फार्ममा परिश्रम गरिरहेका दृश्यलाई देखाइएको छ । गोपाल रसाइलीको एरेन्जमेन्टले पनि गीतको स्तर उठाउन मद्दत पुगेको छ ।

फिल्ममा सामीप्यराज तिमल्सिनाको पटकथा, शैलेन्द्र डि कार्कीको छायांकन र निमेष श्रेष्ठको सम्पादन छ भने विपिन कार्की, वर्षा राउत, सुरक्षा पन्त, अंकित खड्का, रमेश अधिकारी, प्रकाश घिमिरे, भोलाराज सापकोटा, सरोज अर्याल, कुन्ती सिमाली, हिउँबाला गौतमलगायतले मुख्य भूमिका निभाएका छन् ।