लक्समबर्गको पोस्टमा पोर्चुगलले वर्षायो आधा दर्जन गोल

काठमाडौं । युरोकप छनोट प्रतियोगितामा पोर्चुगलले फराकिलो जित हात पारेको छ । आइतबार राति भएको खेलमा पोर्चुगलले लक्समबर्गको पोस्टमा आधा दर्जन गोल वर्षाएको हो ।

पोर्चुगलको जितमा क्रिस्टियानो रोनाल्डोले दुई गोल गरे । जोआ फेलिक्स, बेर्नार्डो सिल्भा,ओताभियो र राफायल लिओले एक एक गोल गरे ।

पोर्चुगलको यो लगातार दोस्रो जित हो । पोर्चुगलले २ खेलमा ६ अंक जोडेर समूह जे को शीर्ष स्थानमा रहेको छ ।

लक्समबर्ग १ अंक जोडेर पाँचौं स्थानमा रहेको छ ।