पुष २६ गतेदेखि पाँचौं सगरमाथा अन्तर्राष्ट्रिय कराँते प्रतियोगिता हुने

काठमाडौं । यहि पुष २६ गतेदेखि काठमाडौंमा पाँचौ सगरमाथा अन्तर्राष्ट्रिय कराँते प्रतियोगिता हुने भएको छ । 

नेपाल सितोरियो कराँते संघको वार्षिक कार्यक्रमअनुसार शाखा डोजो नक्सालको आयोजनामा यो प्रतियोगिता आयोजना गर्न लागेको हो । प्रतियोगितामा नेपालसहित भारत, बंगलादेश, पाकिस्तान र भुटानका करिव दुई हजार खेलाडीहरुको सहभागिता रहने बताइएको छ ।

खेलाडीहरुले विभिन्न तौल समुह तथा एकल काता गरी १५ ईभेन्टसमा ३० स्वर्ण पदका लागि प्रतिस्पर्धा गर्नेछन् ।  दुई दिनसम्म चल्ने यो प्रतियोगिताको सबै खेल नक्साल नारायणचौरस्थित स्टार भेन्यु पार्टी प्यालेसमा हुनेछ ।