एनएनआईपीए स्पोर्टस अवार्डको सम्पूर्ण तयारी पूरा

काठमाडौं । एनएनआईपीए स्पोर्टस अवार्डको सम्पूर्ण तयारी पूरा भएको छ ।

नेपाल राष्ट्रिय तथा अन्तर्राष्ट्रिय खेलाडी संघले शनिबार एक पत्रकार सम्मेलन गर्दै १७ औं संस्करणको अवार्डको सम्पूर्ण तयारी पूरा भएको जनाएको हो ।

संघका महासचिव शिवसुन्दर गोथेले अवार्डको सम्पूर्ण तयारी पूरा भएको र अवार्ड कार्यक्रम चैत २० गते सोमबार ठमेलस्थित अल्फ्ट होटलमा हुने जानकारी दिए ।

यस पटक फुटबल, एथलेटिक्स, ह्यान्डबल, गल्फ, उसु, भारोत्तोलन, सुटिङ, जुडो, ब्याडमिन्टन, आर्चरी, टेबल टेनिस, बक्सिङ, साइक्लिङ, फेन्सिङ, जिम्न्यास्टिक, हक्की, स्विमिङ, ट्रायथोलन, स्की, कुस्ती, बास्केटबल, कबड्डी, कराते, र्याफ्टिङ, भलिबल, तेक्वान्दो र लन टेनिसका खेलाडी सम्मानित हुनेछन् ।