गरिमा विकास बैंकद्वारा नयाँ वर्षको क्यालेण्डर र नयाँ वेवसाईट विमोचन

काठमाडौं । विकास बैंक लिमिटेडले नयाँ वर्ष २०८० सालको आफ्नो आधिकारीक क्यालेण्डर विमोचन गरेको छ ।

शुक्रबार केन्द्रीय कार्यालयमा एक कार्यक्रमको आयोजना गरी बैंकका प्रमुख कार्यकारी अधिकृत गोविन्द प्रसाद ढकाल र नायव प्रमुख कार्यकारी अधिकृत माधव प्रसाद उपाध्यायले संयुक्त रुपमा उक्त क्यालेण्डरको विमोचन गरेका हुन् ।

बैंकले देश भित्रका विभिन्न पर्यटकीय क्षेत्रहरु समावेश भएको आर्कषक भित्ते क्यालेण्डर र विभिन्न प्रजातीका चरा तथा वन्यजन्तु समावेश भएको टेवल क्यालेण्डर प्रकाशन गरेको छ ।

सोही कार्यक्रममा बैंकका प्रमुख कार्यकारी अधिकृत ढकालले स्तरोन्नती गरि ग्राहकमैत्री बनाईएको बैंकको नयाँ वेवसाईटको समेत शुभारम्भ गरेका छन् ।

गरिमा विकास बैंकले नेपालभर आफ्नो १२१ शाखा कार्यालय र ४९ एटिएमबाट सेवा प्रदान गर्दै आईरहेको छ ।