इन्डियन आइडल सिजन १३ को उपाधि ऋषि सिंहलाई

काठमाडौं । इन्डियन आइडल सिजन १३ को उपाधि ऋषि सिंहले जितेका छन् । उनले सोनाक्षी कार, शिवम सिंह, चिराग कोतवाल, बिदिप्ता चक्रवर्ती र देवोस्मिता रोयलाई पछि पार्दै ट्रफी जितेका हुन् ।

शोको सुरुवातदेखि नै ऋषि निकै लोकप्रिय बनेका थिए, जसका कारण सामाजिक सञ्जालमा उनको निकै चर्चा हुने गरेको थियो ।

आइतबार भएको ग्रान्ड फिनालेमा देवोस्मिता रोय दोस्रो र चिराग तेस्रो भए । यो जितसँगै ऋषिले ट्रफीसँगै २५ लाख रुपैयाँ र कार पनि जितेका छन् ।