एजेन्सी । युवा फरवार्ड ब्राहिम डियाज स्पेनिस क्लब रियल म्याड्रिडमा आवद्ध भएका छन् ।
म्यान्चेस्टर सिटीका फरवार्ड डियाज २२ मिलियन पाउन्डमा स्पेनी क्लब रियल म्याड्रिडमा अनुबन्धित भएका हुन् । उनी साढे ६ वर्षसम्मका लागि म्याड्रिडमा बस्ने गरेर सम्झौता गरेका हुन् ।
१९ वर्षिय डिफेन्डर डियाज योसँगै सन् २०२५ को अन्त्यसम्म रियल म्याड्रिडमा नै हुनेछन् । डियाजलाई सोमवार राति घरेलु मैदान सान्टियागो बर्नाबेउमा क्लबका अध्यक्ष फ्लोरेन्टिनो पेरेजले सार्वजनिक गरेका थिए ।
१४ वर्षको उमेरमा मालगाबाट इंग्लिस क्लब म्यान्चेस्टर सिटीमा आवद्ध भएको उनले म्याड्रिडमा आवद्ध हुन पाउँदा खुशी लागेको प्रतिक्रिया दिएका छन् ।
यो खबर पढेर तपाईलाई कस्तो महसुस भयो ?
प्रतिक्रिया