काठमाडौं । नेपाली कांग्रेस निकट नेपाल वित्तीय संस्था कर्मचारी संघ कृषि विकास बैंक लिमिडेटको १०औँ केन्द्रीय महाधिवेशन शुरु भएको छ ।
मंगलबार (आज) बाट कृषि विकास बैंकको केन्द्रीय तालिम भक्तपुरको बोडेमा महाधिवेशन शुरु भएको हो ।
भोलिसम्म चल्ने महाधिवेशनमा २ टिमबीच मुख्य प्रतिपष्र्धा हुने देखिएको छ ।
अध्यक्ष पदमा रामबहादुर रावलले उम्मेदवारी दिएका छन् । त्यस्तै उनको प्यानलबाट वरिष्ठ उपाध्यक्षमा ठाकुरप्रसाद ओझा र महासचिवमा बसन्त थापाको उम्मेदवारी रहेको छ । उक्त टिमलाई केन्द्रको संस्थापन समूहको समर्थन रहेको बुझिएको छ ।
त्यस्तै अर्को टिमबाट पुन्यप्रसाद दाहाल अध्यक्ष, शिद्धिलाल मगिया वरिष्ठ उपाध्यक्ष र रमेश कटवालले महासचिवमा उम्मेदवारी दिएका छन् । उक्त समूहलाई कांग्रेसको शेखर समूहको साथ रहेको बुझिएको छ ।
यता रावल टिमबाट महासचिवका उम्मेदवार थापालाई दुवै टिमको समर्थन रहेको एक कर्मचारी संघका एक नेताले जानकारी दिए । सर्वसम्मत नेतृत्व चयन भएको अवस्थामा पनि थापा कार्यसमितिमा अट्न सक्ने ती नेताको दाबी रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया