‘ए’ डिभिजन लिगमा आज दुई खेल हुँदै

काठमाडौं । सहिद स्मारक ‘ए’ डिभिजन लिगमा आज बिहीबार दुई खेलहरु हुँदैछ । बिहीबार हुने दुई खेलमध्ये एक खेल त्रिपुरेश्वरस्थित दशरथ रंगशाला र एक खेल एन्फा कम्प्लेक्स मैदानमा हुँदैछ ।

दशरथ रंगशालामा हुने खेलमा चर्च ब्वाइज युनाईटेड र रोयल ब्लु सातदोबाटो युथ क्लब भिड्ने छन् । चर्च ब्वाइज र सातदोबाटोबीचको खेल साँझ ६ बजे शुरु हुनेछ ।

चर्च ब्वाइज ९ खेलमा १५ अंक जोडेर छैटौं स्थानमा रहेको छ भने सातदोबाटो ९ खेलमा १७ अंक जोडेर दोस्रो स्थानमा रहेको छ ।

त्यस्तै एन्फा कम्प्लेक्समा थ्री स्टार क्लब र हिमालयन शेर्पा क्लबबीचको खेल दिउँसो ३ बजे शुरु हुनेछ । थ्री स्टार १५ अंक जोडेर तेस्रो स्थानमा रहेको छ भने हिमालयन ९ अंक जोडेर १३ औं स्थानमा रहेको छ ।