भारतमा बढ्दै कोरोना, पछिल्लो २४ घण्टामा १२ हजार बढीमा संक्रमण

काठमाडौं । भारतमा लगातार कोरोनाका संक्रमितको संख्या बढ्दो रहेको छ । बुधबारको तुलनामा बिहीबार नयाँ केसहरूमा करिब २० प्रतिशतले वृद्धि भएको छ।

भारतीय स्वास्थ्य मन्त्रालयको तथ्यांक अनुसार पछिल्लो २४ घण्टामा भारतमा थप १२ हजारभन्दा बढी संक्रमित भेटिएका छन् ।

मंगलबार सात हजारभन्दा बढी नयाँ संक्रमित भेटिएका थिए भने बुधबार १० हजार ५ सय ४२ संक्रमित भेटिएका थिए ।योसँगै भारतमा कूल कोरोना संक्रमितको संख्या ६५ हजार २८६ पुगेको छ ।

स्वास्थ्य मन्त्रालयका अनुसार १० हजार ८२७ जना कोरोनाबाट निको भएका छन् । त्यस्तै पछिल्लो २४ घण्टामा थप २९ जनाको मृत्यु भएको छ ।