मनमैजुले जित्यो गोदावरी मेयर कप कराँतेको उपाधि

काठमाडौं । मनमैजु डोजोले प्रथम उपत्यकाव्यापी गोदावरी मेयर कप कराँते प्रतियोगिताको उपाधि जितेको छ ।

अल नेपाल वादोकाइ कराँते संघ तथा आईडब्लुएफ शाखा डोजो ठेचोद्वारा संयुक्त आयोजित प्रतियोगितामा मनमैजुले ११ स्वर्ण र ३ रजत पदक जित्दै टिम च्याम्पियनको उपाधि उचाल्यो । ३ स्वर्ण र ४ रजतसाथ सतुंगल डोजो दोश्रो तथा ३ स्वर्ण र २ रजतसाथ सोतोकान एसकेडियुएन तेश्रो भए ।

प्रतियोगिताको पुरुषमा ठेचोका रिजन महर्जन तथा महिलामा मनमैजुकी पुष्पका लामा उत्कृष्ट खेलाडी घोषित भए । पुरुषमा मनकामनाका यमबहादुर समल तथा महिलामा तोयाकान वादोरियोकी भूमिका राई उदीयमान खेलाडी चुनिए ।

त्रिलोक डोजोले अनुशासित टिमको उपाधि हात पा-यो ।