काठमाडौं । काठमाडौंमा जारी एसीसी प्रियिर कप अन्तर्गत फाइनल खेलमा नेपाललाई छैटौँ सफलता हात पारेको छ ।
नेपालका लागि गुल्सन झाले छैटौँ विकेट लिएका हुन् । गुल्सनले यूएईका बासिल हमिदलाई बोल्ड आउट गरेका हुन् । हमिदले १० रन बनाएका थिए ।
यसअघि नेपालका लागि करण केसीले दुई तथा सन्दीप लामिछाने, सोमपाल कामी र ललित राजवंशीले समान एक विकेट लिएका छन् ।
आजको यस खेलको विजेता एसिया कपको १६ औँ संस्करणमा छनोट हुनेछ ।
एसिया कपको १६ औँ संस्करण सेप्टेम्बरमा पाकिस्तानमा आयोजना हुँदै छ । एसिया कपमा ६ वटा एसियाली राष्ट्रले सहभागिता जनाउनेछन् । एसिया कपमा खेल्ने ६ मध्ये अफगानिस्तान, बंगलादेश, भारत, पाकिस्तान र श्रीलंकाको टुंगो लागिसकेको छ भने नेपाल र यूएईमध्ये एउटा टिमको छनोट यो खेलबाट लाग्नेछ ।
यो खबर पढेर तपाईलाई कस्तो महसुस भयो ?
प्रतिक्रिया