सन्दीप लामिछानेलाई प्लेयर अफ द सिरिजको उपाधि

काठमाडौं । नेपालका लेग स्पिनर सन्दीप लामिछानेले एसीसी मेन्स प्रिमियर कपको प्लेयर अफ द सिरिज उपाधि हात पारेका छन् । सिरिजको सर्वोत्कृष्ट खेलाडी बन्दै सन्दीप प्लेयर अफ द सिरिजको उपाधि हात पारेका हुन् ।

नेपाललाई उपाधि दिलाउन सन्दीपले उत्कृष्ट प्रदर्शन गरेका थिए । प्रतियोगितामा सन्दीपले ५ खेलमा १३ विकेट लिएका थिए । यस्तै उनले ४२ रन बनाएका थिए ।

यस्तै युएईका वृत्य अरविन्द उत्कृष्ट ब्याटर र ओमानका बिलाल खान उत्कृष्ट बलर चुनिएका छन् ।