काठमाडौं । ए डिभिजन लिग फुटबलमा आज आईतबारबाट १८ औं चरणका खेल हुँदैछ । आज हुने पहिलो खेलमा मनाङ मस्र्याङ्दी क्लबले लिगको शीर्ष स्थानमा रहेको जावलाखेलसँग खेल्नेछ ।
दुवै टोलीबीचको खेल च्यासल मैदानमा दिउँसो तीन बजे शुरु हुनेछ । जावलाखेल ३० अंक सहित शीर्ष स्थानमा छ भने मनाङ २१ अंक सहित आठौं स्थानमा छ ।
आज नै हुने दोस्रो खेलमा न्युरोड टिम एनआरटी र फ्रेन्ड्स क्लब भिड्दै छन् । एनआरटी २१ अंकसहित तालिकाको नवौं स्थानमा छ । फ्रेन्ड्स १९ अंक सहित तालिकाको पुछारदेखि दोस्रो स्थानमा छ ।
यो खबर पढेर तपाईलाई कस्तो महसुस भयो ?
प्रतिक्रिया