काठमाडौं । आगामी फागुन ३ गतेदेखि काठमाडौंमा हुन लागेको आइएफबिबि प्रोफेसन लिग नेपाल बडिबिल्डिङ च्याम्पियनसिप ‘प्रो क्वालिफायर’को क्यालेन्डर र प्रतियोगिताको ‘फ्लायर’ सार्वजनिक भएको छ ।
‘आइएफबिबि प्रोफेसनल लिग’को क्यालेन्डर र फ्लायर अमेरिकामा सार्वजनिक गरेको हो । सार्वजनिक गरेको उक्त क्यालेन्डर र फ्लायरमा यस वर्षको पहिलो अन्तर्राष्ट्रिय प्रतियोगिता भएको उल्लेख गरिएको छ । नेपालभन्दा अगाडि भारतको ४ वटा शहरमा यो प्रतियोगिताको शुरु हुँदैछ ।
‘आइएफबिबि लिग नेपाल’का अध्यक्ष सानु गुरुङले दिएको जानकारी अनुसार नेपालमा हुने यो प्रतियोगिताको अमेरिकामा क्यालेन्डर सार्वजनिक हुनुले थप प्रतियोगिताको महत्वलाई झल्काएको छ । यो प्रतियोगिता कमलादीस्थित प्रज्ञा भवनमा आयोजना हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया