कंगो राष्ट्रपती निर्वाचन : अफ्रिकन युनियनको अपिल अदालतद्वारा खारेज

काठमाडौं । अफ्रिकन युनियनले राष्ट्रपतीय निर्वाचनको नतिजा तत्काल सार्वजनिक नगर्न अदालतमा गरेको अपिल खारेज भएको छ । 

नेता फेलिक्स सिसेकेडीको जितको नतिजा तत्काल सार्वजनिक गर्न रोक लगाउने विपक्षी अफ्रिकन युनियनलको प्रयास विफल भएको हो । 

निर्वाचन आयोगले धाँधली गरेको प्रमाणित गर्न पर्याप्त कारण नरहेको अदालतको आदेशमा उल्लेख छ ।

नेता फेलिक्सले जित हात पारेको दाबी गरेपनि हालको प्रशासन विरोधी मार्टीन फायुलुले आफुले जितेको दाबी गरेका छन् । 

हालका राष्ट्रपति जोसेफ कबिल र राष्ट्रपतिका प्रत्यासि फेलिक्सबीच शक्ति बाँडको सम्झौताका कारण निर्वाचनमा धाँधली भएको आंशका अफ्रिकन युनियनको छ । 

अफ्रिकन युनियनले राष्ट्रपतीय निर्वाचनको नतिजा तत्काल सार्वजनिक नगर्न आग्रह गरेको थियो ।