एजेन्सी । जापानकी नायोमी ओसाका जारी अस्ट्रेलियन ओपन टेनिस च्याम्पियनसिपको सेमिफाइनलमा प्रवेश गरेकी थिइन् ।
मेलबर्न पार्कमा बुधवार भएको महिला एकलतर्फको क्वाटरफाइनल खेलमा ओसाकाले युक्रेनकी एलिना स्भीतोलिनालाई २-० को सोझो सेटमा पराजित गर्दै अन्तिम चारमा प्रवेश गरेकी हुन् ।
युए ओपन टेनिसकी विजेता ओसाकाले स्भीतोलिनालाई खेलको पहिलो सेटमा ६-४ र दोस्रो सेटमा ६-१ ले हराएकी थिइन् । यो हारसँगै छैटो वरियताकी स्भीतोलिना यो सिजनको पहिलो ग्राण्डस्लाम टेनिसबाट क्वाटरफाइनलबाटै बाहिरिएकी छिन् ।
‘मैले खेल आफ्नो पक्षमा पार्न कोर्टमा निक्कै मिहिनेत गरेकी छु, उनले पनि मलाई कडा टक्कर दिएकी थिइन्, संयोगवंश खेलको दौराउन उनी घाइते भएपछि खेल जित्न केही भएपनि सहज भएको थियो’, उनले भनिन् ।
ओसाकाले अब सेमिफाइनलमा अमेरिकी सेरेना विलियम्स र क्यारोलिना पिल्सकोभाबिचको विजेतासँग प्रतिस्पर्धा गर्नेछिन् ।
यो खबर पढेर तपाईलाई कस्तो महसुस भयो ?
प्रतिक्रिया