मलेसियामाथि नेपालकाे सानदार जित

काठमाडौं । नेपालले मलेसियामाथि सानदार जित हात पारेको छ । दोस्रो महिला टी-ट्वान्टी अन्तर्राष्ट्रिय खेलमा नेपालले मलेसियामाथि ७ विकेटको जित हात पारेको हो ।

यो जितसँगै नेपालले पाँच टी-ट्वान्टी अन्तर्राष्ट्रिय खेलको सिरिजमा १-१ को बराबरी गर्न सफल भएको छ । मलेसियाले दिएको ९७ रनको लक्ष्यलाई नेपालले १७ ओभर ३ बलमा ३ विकेट गुमाएर पूरा गर्यो । नेपालको जितमा कप्तान रुविना क्षेत्रीले २१ बलमा ३ चौका र १ छक्कासहित अविजित २९ रन बनाईन् ।

अब नेपालले जेठ १८ गते तेस्रो खेल खेल्नेछ भने जेठ २० र २१ मा नेपालले चौथो र पाँचौं खेल खेल्नेछ।