सुनको मूल्यले बनायो नयाँ रेकर्ड

काठमाडौं । सुनको मूल्यले नयाँ रेकर्ड बनाएको छ । आज सुन प्रतितोला १ लाख १३ हजार ३ सय रुपैयाँमा कारोबार भइरहेको छ । प्रतितोला १ लाख १३ हजार ३ सय रुपैयाँ हालसम्मकै उच्च मूल्य हो ।

बिहिबार प्रतितोला १ लाख १२ हजार ५ सय रुपैयाँमा कारोबार भएको थियो ।

यस्तै आज तेजाबी सुनको मूल्य समेत तोलामा ८ सय रुपैयाँले नै बढ्दै १ लाख १२ हजार ७५० रुपैयाँ पुगेको नेपाल सुनचाँदी व्यवसायी महासङ्घले जनाएको छ ।

चाँदी भने तोलामा २५ रुपैयाँले बढ्दै १ हजार ४३५ रुपैयाँ पुगेको महासङ्घले जनाएको छ ।