ओडिसा रेल दुर्घटना : मृत्यु हुनेको संख्या २८० पुग्यो

काठमाडौं । छिमेकी देश भारतको ओडिसामा भयानक रेल दुर्घटना हुँदा मृत्यु हुनेको संख्या २ सय ८० पुगेको छ।

ओडिसाको बालासोरनजिक भएको उक्त दुर्घटनामा परी नौ सय जनाभन्दा बढी घाइते भएको त्यहाँको प्रहरीले जनाएको छ ।

घाइतेको उद्धारका लागि दुई सयभन्दा बढी एम्बुलेन्स परिचालन गरिएको छ ।

घटना शुक्रबार राति भएको थियो ।

उक्त घटना भारतमा भएका प्रमुख रेल दुर्घटनामध्येको एक भएको समाचारमा जनाइएको छ । स्थानीय अधिकारीहरूले मृतकको सङ्ख्या अझ बढ्न सक्ने बताएका छन् ।

घटनाको अनुसन्धान गर्न एक समिति गठन गरिएको छ । समितिले काम सुरु गरिसकेको केन्द्रीय रेल मन्त्री अश्विनी वैष्णव जानकारी दिएका छन् ।