काठमाडौं । मह सञ्चारले निर्माण गरिरहेको चलचित्र ‘दाल भात तरकारी’ को पहिलो कोशेलीस्वरुप गीत सार्वजनिक भएको छ । मह सञ्चारको युट्यब च्यानलबाट समेत सार्वजनिक गरिएको यो गीत राजधानीमा शुक्रवार एक कार्यक्रमको आयोजना गरेर पत्रकार तथा कलाकारमाझ सार्वजनिक गरिएको हो ।
‘भिजिट भिसामा’ बोलको गीतमा शम्भुजित बाँस्कोटाको संगीत रहेको छ भने रिकेश गुरुङले एरेन्ज गरेका हुन् । गीतलाई वरिष्ठ कलाकार हरिवंश आचार्यले लेखेका हुन् ।
गीतको भिडियोमा हरिवंश आचार्य, निरुता सिंह, आँचल शर्मा, पुष्प खड्का लगायतले कम्मर मर्काएका छन् भने गीत एअरपोर्ट लगायत अन्य स्थानमा छायांकन गरिएको छ । उक्त भिडियोको छायांकन दीर्घ गुरुङले गरेका हुन् ।
हरिवंश आचार्यले लेखेको यो फिल्ममा सुदन केसीको निर्देशन रहनेछ । एक सामान्य व्यक्तिले दाल भात र तरकारी खान गर्न कथालाई कथानक बनाइएको यो फिल्मलाई मित्र डी गुरुङले सम्पादन गरेका छन् ।
यो फिल्ममा मदनकृष्ण श्रेष्ठ, किरण केसी लगायतका कलाकारको पनि अभिनय रहेछ भने फिल्म आउँदो वर्षको वैशाख १३ गतेबाट प्रदर्शनमा आउनेछ ।
यो खबर पढेर तपाईलाई कस्तो महसुस भयो ?
प्रतिक्रिया