काठमाडौं । बलिउड अभिनेता रणवीर कपुर यतिबेला सामाजिक सञ्जाल लगायत विभिन्न सञ्चार माध्यमको हेडलाइन बनेका छन् ।
अभिनेताको फिल्म एनिमलको प्रि-टिजर सार्वजनिक भएको छ । जसमा रणवीर कपुर धोती लगाएर बञ्चरो चलाएको देख्न सकिन्छ । प्रि-टिजरमा रणवीरको एक्सन अवतारले फ्यानलाई छक्क पारेको छ । सन्दीप वाङ्गा रेड्डीद्वारा निर्देशित यो फिल्मको प्रि टिजर निकै लोकप्रिय भएको छ ।
यस फिल्मको प्रि टिजर रिलिज भएपछि सन्दीप वांगा रेड्डीको एउटा पुरानो भिडियो भाइरल भइरहेको छ जसमा उनी आफ्नो अर्को फिल्म एनिमलमा वास्तविक हिंसा के हो भन्ने कुरा भनिरहेका छन् ।
#Animal pre-teaser tomorrow
Rep vanga mass untadhi 🥵 pic.twitter.com/ZOZ5qqwF5a— AKA Tharun 🏹 (@mech_bug) June 10, 2023
फिल्म एनिमलमा एक्सन ग्याङ्स्टर ड्रामा देखिने छ । यस फिल्मको आधिकारिक घोषणा हुनुअघि सन्दीप वांगा रेड्डीले अनुपमा चोपडासँगको अन्तर्वार्तामा यस फिल्मको बारेमा कुरा गरेका थिए ।
‘मानिसहरू कबीर सिंहलाई हिंसात्मक फिल्मको रूपमा हेरिरहेका थिए, तर म उनीहरूलाई देखाउनेछु कि हिंसात्मक फिल्म के हो । यो हेरिसकेपछी मानिसहरूले कस्तो प्रतिक्रिया दिन्छन् भनेर म पनि धेरै उत्सुक छु। म हेर्न चाहन्छु कि मेरो अर्को फिल्मको बारेमा मानिसहरू के भन्छन्।’ सन्दीप वांगा रेड्डीले अन्तर्वार्तामा भनेका छन् ।
रणवीर कपुरको यो फिल्म अगस्ट ११ मा हलमा रिलिज हुने तयारीमा छ । फिल्ममा रणवीरका अलावा अनिल कपुर, बबी देओल, तृप्ती डिमरी र रश्मिका मन्डन्नाको पनि अभिनय रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया