काठमाडौं । नेपाली महिला राष्ट्रिय फुटबल टोलीकी फरवार्ड सावित्रा भण्डारी साम्बाले युरोपेली क्लबबाट खेल्ने भएकी छन् ।
सावित्राले इजरायलको क्लब हापोएल रानानाबाट लिग खेल्ने भएकी हुन् । इजरायल एसियामा पर्ने भएपनि युरोपेली महादेशको फुटबल महासंघमा सदस्य रहेको छ ।
‘एकदमै खुशीलागेको छ । यो मेरो मात्रै होइन नेपालको सफलता हो । नेपाली महिलाको सफलता हो ।’ उनले भनिन् । ‘यूरोपमा खेल्ने पहिलेदेखिनै सपना थियो । अब पूरा भएको छ ।’ उनले थपिन् ।
नेपालमा एपीएफबाट खेल्ने सावित्राले भारतीय महिला लिगमा सेथु एफसी र गोकुलम केरला क्लबबाट खेल्दै आएकी छिन् । भारतीय महिला लिगमा उनले गोकुलम केरलाबाट खेल्दै उपाधि जितेकी थिइन् । उपाधि सँगै उनले सर्वाधिक गोलकर्ताको अवार्ड पनि जितेकी थिइन् ।
यो खबर पढेर तपाईलाई कस्तो महसुस भयो ?
प्रतिक्रिया