‘कागजपत्र’ को गीत, पाउनेलाई माया संसार (भिडियो)

काठमाडौं । चलचित्र ‘कागजपत्र’ को गीत सार्वजनिक गरिएको छ । ‘माया संसार’ बोलको गीत काठमाडौंमा एक कार्यक्रमको आयोजना गरी सार्वजनिक गरिएको हो ।

फिल्मलाई अपिल विष्टले निर्देशन गरेका हुन् । गीतमा हर्कुलस बस्नेताको शब्द तथा स्वर रहेको छ भने गीतमा नाजिर हुसेन, शिल्पा मास्के, भोलाराज सापकोटा, सरीता गिरी लगायतका कलाकारको अभिनय देख्न सकिन्छ ।

आउँदो चैत्र ८ गतेबाट प्रदर्शनमा आउने यो फिल्ममा कास्मिर किक्सनको छायांकन, निमेष श्रेष्ठको सम्पादन देख्न सकिन्छ भने फिल्मको कथा निर्देशक अपिल विष्टकै रहेको छ ।