खलिस्तानी नेता हरदीपको क्यानडामा गोली हानी हत्या

काठमाडौं । खलिस्तानी नेता हरदीप सिंह निज्जरको क्यानडामा गोली हानी हत्या भएको छ । क्यानडाको सरे नजिकै दुई अज्ञात आक्रमणकारीले निज्जरको हत्या गरेका हुन् ।

हरदीप सिंह निज्जर गुरु नानक सिख गुरुद्वाराका अध्यक्ष र क्यानडामा चरमपन्थी संगठन सिख फर जस्टिसका प्रमुख व्यक्ति थिए। विगतमा क्यानडाको ब्राम्पटन सहरमा भएको खालिस्तानमा भएको जनमत संग्रहमा सिख फर जस्टिस संगठनको पनि हात थियो।

केही दिनअघि अर्का खालिस्तानी नेता अवतार सिंह खाण्डाको बेलायतमा मृत्यु भएको थियो । अवतार सिंह खांडा खालिस्तान लिबरेसन फोर्सका बेलायती प्रमुख थिए।