एजेन्सी । अमेरिकी लडाकु विमानलाई रुसी लडाकु विमानले लखेटेको छ ।
‘ब्ल्याक सी’ माथि उडान गरिरहेको एउटा अमेरिकी लडाकु विमानलाई रुसी लडाकु विमानले लखेटेर आफ्नो मार्ग परिवर्तन गर्न बाध्य भएको हो ।
बिहीबार रुसी सामाजिक सञ्जालमा ४० सेकेन्डको एउटा भिडियो सार्वजनिक भएको छ, जसमा रुसी लडाकु विमान ‘सु–२७’ ले अमेरिकी लडाकु विमान ‘एफ–१५’ लाई आफ्नो दिशा परिवर्तन गर्न बाध्य तुल्याएको देखिन्छ ।
भिडियो कहिले र कहाँको हो भन्ने प्रष्ट भएको छैन् । अमेरिकाले गत सोमबार ‘ब्ल्याक सी’ माथि आफ्नो विमानको नजिकै रुसी लडाकु विमान ‘खतरनाक’ तरिकाले आएको जनाएको छ ।
भिडियोमा रुसी लडाकु विमान अमेरिकी लडाकु विमानतर्फ आक्रामक ढंगले मोडिएको देख्न सकिन्छ ।
दुबै देशको विमान आपसमा करिब पाँच फिटको दुरीमा उडेको अधिकारीहरुले जनाएका छन् ।
यो खबर पढेर तपाईलाई कस्तो महसुस भयो ?
प्रतिक्रिया