नेपाल र अमेरिका भिड्दै

काठमाडौं । आइसीसी एकदिवसीय विश्वकप छनोट प्रतियोगिताको दोस्रो खेलमा नेपालले आज मंगलबार अमेरिकासँग भिड्दै छ ।

अमेरिका र नेपालबीचको खेल जिम्बावेको हरारेमा रहेको टागासिंगा स्पोर्टस् क्लबमा नेपाली समय अनुसार १२: ४५मा शुरु हुनेछ ।

नेपाल अमेरिकालाई हराएर प्रतियोगितामा पहिलो जित हात पार्न चाहन्छ । पहिलो खेलमा नेपाल जिम्बावेसँग पराजित भएको थियो । नेपाल जिम्बावेसँग ८ विकेटले पराजित भएको थियो । दुवै टोली पहिलो जितको खोजीमा रहेका छन् ।

प्रतियोगितामा सहभागी १० टोलीमा दुई टोलीले भारतमा हुने विश्वकप खेल्न पाउनेछन् ।