बढ्यो सुनचाँदीको मूल्य, कतिमा हुँदैछ कारोबार ?

काठमाडौं। नेपाल सुनचाँदी व्यवसायी महासंघले आज सुनचाँदीको मूल्य बढेको जानकारी दिएको छ ।

महासंघले आजको बजारभाउ तय गर्दै गत साताको शुक्रबारको तुलनामा सुन र चाँदीकै मूल्य बढेको जानकारी दिएको हो ।

आज तोलामा ७०० रुपैयाँले सुनको मूल्य बढेसँगै छापावाल सुनको मूल्य तोलामा १ लाख ११ हजार ३०० रुपैयाँ कायम छ । यस्तै, तेजाबी सुनको मूल्य तोलामा १ लाख १० हजार ७५० रुपैयाँ कायम छ ।

गत साताको शुक्रबार छापावाल सुनको मूल्य तोलामा १ लाख १० हजार ६०० र तेजाबी सुनको मूल्य तोलामा १ लाख १० हजार ५० रुपैयाँ कायम थियो । शुक्रबार सुनको मूल्य प्रतितोला १०० रुपैयाँ घटेर कारोबारमा आएको थियो ।

यस्तै, आज चाँदीको मूल्य समेत तोलामा २० रुपैयाँले बढेको छ । शुक्रबार प्रतितोला १३ सय ७५ रुपैयाँमा कारोबार भएको चाँदीको मूल्य आज आइतबार १३ सय ९५ रुपैयाँमा कारोबार भइरहेको छ ।