काठमाडौं । साउन महिनामा भगवान शिवको विशेष पूजा आराधना गरिन्छ । विशेष गरी साउन महिनामा भोले बाबाको नाम जताततै गुन्जिरहेको हुन्छ । यसैबीच बलिउडको एउटा फिल्म पनि चर्चामा छ । फिल्मको नाम ‘ओह माई गड २’ ।
उक्त फिल्ममा अक्षय कुमार मुख्य भूमिकामा देखिनेछन् । चाँडै नै यो फिल्मको टिजर रिलिज हुँदैछ र यस फिल्मबाट अक्षय कुमारको नयाँ लुक्स बाहिर आएको छ, जसलाई फ्यानहरुले रुचाइरहेका छन् ।
अक्षय कुमार भगवान शिवको रुपमा देखिएका छन् । उनको लुक यति गजबको छ कि प्रयोगकर्ता उनको तारिफ गरिरहेका छन् । नयाँ लुक्समा अक्षय कुमार आफ्नो निधारमा खरानी लगाएका छन् भने, घाँटीमा रुद्राक्षको माला लगाएका र जटाधारी लगाएका देखिन्छन् । उनले फिल्मको टिजर जुलाई ११ मा रिलिज हुने जानकारी दिएका छन् ।
यो खबर पढेर तपाईलाई कस्तो महसुस भयो ?
प्रतिक्रिया