३ सयले बढ्यो सुनको मूल्य

काठमाडौं । आज नेपाली बजारमा सुनचाँदीको मूल्य बढेको छ । नेपाल सुनचाँदी व्यवसायी महासंघकाअनुसार आज छापावाल सुनको मूल्य प्रतितोला ३ सयले बढेर १ लाख १२ हजार ९ सय रुपैयाँमा कारोवार भईरहेको छ ।

त्यस्तै, तेजाबी सुनको मूल्य पनि तोलामा १ लाख १२ हजार ३ सय ५० रुपैयाँ कायम भएको छ । गत साताको शुक्रबार छापावाल सुनको मूल्य तोलामा १ लाख १२ हजार ६ सय रुपैयाँ र तेजाबी सुनको मूल्य तोलामा १ लाख १२ हजार ५० रुपैयाँ कायम थियो ।

यस्तै, आज चाँदीको मूल्य तोलामा ५ रुपैयाँले बढेर १ हजार ४ सय ५५ रुपैयाँ कायम छ । गत साताको शुक्रबार चाँदीको मूल्य तोलामा १ हजार ४ सय ५० रुपैयाँ कायम थियो ।