एजेन्सी । इंग्लिस क्लब टोट्नह्यामले जारी ‘युइएफए’ च्याम्पियन्स लिगको प्रि क्वाटरफाइनलको पहिलो लेगको खेलमा सहज जित निकालेको छ ।
बुधवार राति सम्पन्न भएको पहिलो लेगको खेलमा टोट्नह्यामले बोरुसिया डर्टमण्डलाई ३-० गोल अन्तरले पराजित गरेको हो । प्रतिस्पर्धात्मक खेलको पहिलो हाफसम्म दुवै क्लब गोलरहित बराबरीमा रोकिएका थिए ।
दोस्रो हाफको शुरुवाती समयमा नै टोट्नह्यामका लागि सन ह्युङ मिनले पहिलो गोल गर्दै क्लबलाई शुरुवाती अग्रता दिलाए । खेलको ८३ औँ मिनेटमा जान भिटोघेनले गोल गर्दै क्लबलाई दोब्बर अग्रता दिलाए ।
त्यस्तै ८६ औँ मिनेटमा लोरेन्टेले गोल गरे । त्यसपछि खेलमा थप गोल भएन र खेल टोट्नह्यामले ३-० गोल अन्तरले जित्यो । यो जितपछि टोट्नह्यामले अघिल्लो चरणमा प्रवेश गर्ने सम्भावनालाई बलियो बनाएको छ ।
त्यस्तै बुधवार राति नै भएको अर्को खेलमा रियल म्याड्रिडले एयाक्सलाई २-१ गोल अन्तरले पराजित ग-यो ।
रियल म्याड्रिडको जितमा खेलको ६० औँ मिनेटमा करिम बेन्जामा र ८७ औँ मिनेटमा मार्को एसेन्सियोले समान एक-एक गोल गरेका थिए । यता खेलको ७५ औँ मिनेटमा जियजले एक मात्र गोल फर्काएका थिए ।
यो खबर पढेर तपाईलाई कस्तो महसुस भयो ?
प्रतिक्रिया