काठमाडौं । ‘भ्यालेन्टाइन डे’ को अवसरमा धेरै गीतहरु सार्वजनिक भए ती गीतहरुमध्यको एक गीत हो यो मन उड्यो चरा बनी आकाशमा ‘भुर्र भुर्र भुर्र भुर्र बतासमा’ सार्वजनिक भएको छ ।
सशस्त्र प्रहरी बलका महानिरीक्षक एवं गीतकार शैलेन्द्र खनाल शरदको शब्द र संगीतकार गैरे सुरेशको कर्ण प्रिय संगीतमा रहेको गीतको म्यूजिक भिडियो ‘भ्यालेन्टाइन डे’ को पूर्व सन्ध्यामा सार्वजनिक गरिएको हो ।
शानिन्ध्या खनाल र स्मिता दाहालको स्वरमा रहेको गीत भुर्र भुर्रमा कोविद बज्रको संगीत संयोजन रहेको छ ।
युवराज वाइबाको निर्देशनमा बनेको भुर्र भुर्रको म्युमिक भिडियोमा श्री पाण्डे र जितेन श्रेष्ठको अभिनय रहेको छ ।
उत्सव दाहालको सिनेमटोग्राफी र विकाश दाहालको सम्पादन रहेको यस भिडियोलाई ओ एस आर डिजिटलको यू ट्युब च्यानलबाट सार्वजनिक गरिएको हो ।
गायक शानिन्ध्य खनाल सशस्त्र प्रहरी महानिरिक्षक शैलेन्द्र खनालका पुत्र हुन् भने गायिका स्मिता नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’की नातिनी हुन् ।
यो खबर पढेर तपाईलाई कस्तो महसुस भयो ?
प्रतिक्रिया