काठमाडौं । नेपाली चलचित्र ‘बुलबुल’ आजदेखि देशभर प्रदर्शनमा आएको छ ।
अभिनेत्री स्वस्तिमा खड्काको मुख्य भूमिका रहेको चलचित्र ‘बुलबुल’ आज (शुक्रवार)देखि चलचित्र घरहरुमा प्रदर्शनमा आएको हो ।
यो चलचित्रमा स्वस्तिमाले टेम्पो चालकको भूमिका निर्वाह गरेकी छिन् । महिला टेम्पो चालकको भूमिका निर्वाह गर्न स्वस्तिमाले करिब एक महिना टेम्पो चलाउन सिकेकी थिइन् ।
यसअघि चलचित्रको ट्रेलर युट्युब मार्फत सार्वजनिक गरिएको थियो । ट्रेलरलाई युट्युबमा दर्शकहरूले निकै रुचाएका थिए ।
विनोद पौडेलको लेखन तथा निर्देशनमा तयार भएको यो चलचित्रलाई अविरल थापा, भीम थापा, पुरुषोत्तम पाण्डे तथा राजु पौडेलले निर्माण गरेका हुन् ।
चलचित्रका कार्यकारी निर्माता रामराजा दाहाल हुन् ।
सुसन प्रजापतिले छायांकन गरेको यस चलचित्रमा बुद्धि तामाङ, मुकुन भुसाल, उज्ज्वल अधिकारी, दीपक क्षेत्री, जोयस पाण्डे, आशिका पाण्डे आदि कलाकारहरु समेतलाई देख्न सकिन्छ ।
यो खबर पढेर तपाईलाई कस्तो महसुस भयो ?
प्रतिक्रिया