काठमाडौं । नेपाली चलचित्र ‘क्याप्टेन’को दास्रो गीत शुक्रवार सार्वजनिक गरिएको छ ।
आगामी फागुन १७ गतेदेखि प्रदर्शनमा आउने चलचित्र ‘क्याप्टेन’ को दोस्रो गीत ‘कर्ली कर्ली कपाल’ सार्वजनिक गरिएको हो ।
शुक्रवार काठमाडौंमा आयोजीत एक कार्यक्रमका बीच सार्वजनिक गरिएको उक्त गीतमा निरुता सिंह, अनमोल केसी र भुवन केसीको नृत्य देख्न पाइन्छ ।
सार्वजनिक गीतमा एसडी योगी र सुशान्त गौतमको संगीत, हर्क साउद र मनिष ढकालको शब्द रहेको छ भने मेलिना राई र एसडी योगीको स्वर रहेको छ ।
गीतको भिडियोलाई रेनेशा वान्तवा राईले कोरियोग्राफी गरेकी हुन् ।
सुपर काजल फिल्मस्को ब्यानरमा निर्माण गरिएको चलचित्रलाई दिवाकर भट्टराईले निर्देशन गरेका हुन् भने अभिनेता भुवन केसीले लगानी रहेको छ । नवराज उप्रेतीको छायाँकन, सुदिप बरालको डिओपी, दिर्घ राज खड्काको सम्पादनमा चलचित्र निर्माण भएको हो ।
यसैगरी चलचित्रमा अनमोल केसीका अलवा उपासना सिंह ठकुरी, प्रियंका एमभीका, प्रशान्त ताम्राकार, सुनिल थापा, सरोज खनाल, विल्सन विक्रम राई, सुर्यमाला खनाल, राजाराम पौडेल, बुद्धि तामाङ, अमित श्रेष्ठ लगायतका कलाकारको मुख्य अभिनय रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया