धनगढी । शनिवार तय भएको तेस्रो संस्करणको धनगढी प्रिमियर लिग (डीपीएल) क्रिकेट अन्तर्गत पहिलो खेल रद्द भएको छ ।
बिहीवारदेखि परेको वर्षाका कारण फाप्ला क्रिकेट मैदानमा पानी जमेपछि शनिवारको पहिलो खेल रद्द भएको हो ।
शनिवार हुने पहिलो खेलमा विराटनगर किंग्स र काठमाडौं गोल्डेन्सबीच प्रतिस्पर्धा हुने खेल तालिका रहेको थियो । तर, वर्षाका कारण खेल रद्द भएपछि दुवै टिमले एक–एक अकं बाँडेका छन् ।
साथै आजै हुने धनगढी स्टार्स र महेन्द्रनगर युनाइटेडबीच हुने खेल पनि वर्षाका कारण रद्द हुने सम्भावना प्रवल रहेको छ ।
यसैगरी यसअघि वर्षाकै कारण बिहीवारको दोस्रो खेल समेत रद्द भएको थियो । महेन्द्रनगरविरुद्ध विराटनगरले ब्याटिङ गरिरहँदा वर्षा हुन शुरुभएपछि खेल रद्द भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया