२० वर्ष होस्टिङ गरिसकेपछि पनि तीन घण्टा अघि नै सेटमा पुग्छन् अमिताभ, छोराले गरे खुलासा

काठमाडौं । भारतीय मेगास्टार अमिताभ बच्चन आफ्ना ब्लकबस्टर फिल्महरूका साथै लोकप्रिय टिभी शो ‘कौन बनेगा करोडपति’ का लागि परिचित छन्।

अभिनेताले आफ्नो गतिशील होस्टिङ कौशलले दर्शकहरूलाई धेरै मनोरञ्जन दिने गरेका छन् । दर्शकहरू उत्सुकतापूर्वक नयाँ सिजनको लागि पर्खिरहेका छन्। यो शो अगस्ट १४ बाट टिभीमा प्रसारण हुनेछ । बिग बीका छोरा अभिषेक बच्चनले आफ्ना बाबु शोको सेटमा तीन घण्टा अगावै पुग्ने खुलासा गरेका छन् ।

हालै एक अन्तर्वार्तामा अभिषेकले यो कुरा खुलासा गर्दै भनेका छन्, ‘मेरो बुबा अहिले केबीसीको सुटिङमा छन् । यो सबैमा मलाई सबैभन्दा अचम्मको कुरा यो हो कि ८१ वर्षको उमेरमा पनि उनी हप्ताको ६ दिन काम गरिरहेकी छन् । यो मेरो लागि मात्र नभई उनका फ्यानहरूका लागि पनि धेरै प्रेरणादायी छ। जुन उमेरमा मानिसहरू आराम गर्छन्, यो उमेरमा उनले काम गरिरहेका छन्। यो आफैमा ठूलो कुरा हो ।’